12 வயதுக்குட்பட்ட பாடசாலை சிறுவர்கள் சமூக ஊடகங்களை பயன்படுத்துவதை தடைசெய்வதற்கு அரசாங்கம் கவனம் செலுத்தி வருகிறது.இந்த விவகாரம் குறித்த கலந்துரையாடல்கள் ஏற்கனவே தொடங்கிவிட்டதாக சிறுவர்கள் மற்றும் மகளிர் விவகார அமைச்சர் சாவித்ரி போல்ராஜ் தெரிவித்தார்.12 வயதுக்குட்பட்ட சிறுவர்கள் கைபேசிகளை பயன்படுத்துவதை முற்றிலுமாக நிறுத்த வேண்டும் என்று பரிந்துரைக்கும் ஒரு திட்டம் சமர்ப்பிக்கப்பட்டுள்ளதாகவும், அதே நேரத்தில் சமூக ஊடக தளங்களுக்கான அவர்களின் அணுகலைத் தடை செய்ய வேண்டியதன் அவசியத்தையும் அவர் வலியுறுத்தினார்.”உலகெங்கிலும் உள்ள பல நாடுகள் ஏற்கனவே பாடசாலை சிறுவர்கள் சமூக ஊடகங்களைப் பயன்படுத்துவதைத் தடைசெய்யும் சட்டங்களை அறிமுகப்படுத்தியுள்ளன.மேலும் இலங்கையும் இப்போது இந்த விஷயத்தில் கவனம் செலுத்தி வருகிறது” என்று அமைச்சர் போல்ராஜ் கூறினார்.
