2019 ஆம் ஆண்டு உயிர்த்த ஞாயிறு பயங்கரவாதத் தாக்குதல்கள் தொடர்பாக, சதித்திட்டம் மற்றும் உடந்தையாக இருத்தல் உள்ளிட்ட 23,270-க்கும் மேற்பட்ட குற்றச்சாட்டுகளின் பேரில் 24 பிரதிவாதிகளுக்கு எதிராகத் தாக்கல் செய்யப்பட்ட வழக்கின் தீர்ப்பு தற்போது அறிவிக்கப்பட்டு வருகிறது.
அதன்படி, சம்பந்தப்பட்ட 24 பிரதிவாதிகளில், 15 பேர் குற்றவாளிகள் எனக் கண்டறியப்பட்டுள்ளனர்.
எஞ்சிய 9 பிரதிவாதிகளும் குற்றச்சாட்டுக்களிலிருந்து விடுவிக்கப்பட்டு, குற்றமற்றவர்கள் என விடுதலை செய்ய உத்தரவிடப்பட்டுள்ளது.
புலனாய்வாளர்களால் உயிர்த்த ஞாயிறுத் தாக்குதல்களின் முக்கிய வழிகாட்டியாகவும், சதித்திட்டத்தின் முதன்மைச் சூத்திரதாரியாகவும் அடையாளப்படுத்தப்பட்ட நௌஃபர் மௌலவிக்கு எதிரான குற்றச்சாட்டுகள் நீதிமன்றத்தில் சந்தேகத்திற்கு இடமின்றி நிரூபிக்கப்பட்டுள்ளன.
கொழும்பு உயர் நீதிமன்ற நீதிபதிகளின் நிரந்தர மூன்று பேர் கொண்ட அமர்வால் இந்த தீர்ப்பு வழங்கப்பட்டுள்ளது.
