திருகோணமலையில் அமைந்துள்ள மான் பூங்காவை அண்மைக்காலமாக வெளிநாட்டு சுற்றுலாப் பயணிகள் பலரும் ஆர்வத்துடன் பார்வையிட்டு வருகின்றனர்.
இலங்கையின் இயற்கை அழகையும் வனவிலங்குகளையும் இரசிப்பதற்காக திருகோணமலைக்கு வருகை தரும் சுற்றுலாப் பயணிகள், மான் பூங்காவிற்கும் சென்று அங்குள்ள மான்கள் உள்ளிட்ட இயற்கைச் சூழலை பார்வையிட்டு வருகின்றனர்.
குறிப்பாக, பூங்காவின் இயற்கைச் சூழல் மற்றும் மான்களை அருகில் இருந்து பார்வையிடும் வாய்ப்பு சுற்றுலாப் பயணிகளின் கவனத்தை ஈர்த்துள்ளதாக தெரிவிக்கப்படுகின்றது.
திருகோணமலை மாவட்டத்தின் சுற்றுலாத்துறையை மேலும் மேம்படுத்துவதற்கு இவ்வாறான இயற்கை சார்ந்த சுற்றுலாத் தலங்கள் முக்கிய பங்காற்றுகின்றன.
உள்ளூர் மக்களுக்கும் வெளிநாட்டு சுற்றுலாப் பயணிகளுக்கும் கவர்ச்சிகரமான இடமாக மான் பூங்காவை மேலும் அபிவிருத்தி செய்வதற்கான நடவடிக்கைகள் மேற்கொள்ளப்பட வேண்டும் என்றும் சுற்றுலா ஆர்வலர்கள் தெரிவிக்கின்றனர்.
